Bean Éireannach ar iarraidh i mBeirlín aimsithe sábháilte
TÁ BEAN óg Éireannach a chuaigh ar iarraidh i mBeirlín slán sábháilte.
Tuairiscíodh go raibh Úna Joyce, as Gort an Choirce, Co Dhún na nGall, ar iarraidh i bpríomhchathair na Gearmáine Dé Sathairn seo caite, ach fuarthas san ospidéal maidin Dé Máirt seo í.
Tuigtear gur chuaigh sí ar bord bus ag stáisiún Reuchlin Strasse i mBeirlín Dé Sathairn 28 Deireadh Fómhair chun taisteal i dtreo Hasenheide agus gur chuir sí téacs chuig cara ag rá go raibh sí ar an mbealach ach nár tháinig sí.
Thaistil baill dá teaghlach go Beirlín de réir mar a tháinig méadú ar imní faoina sábháilteacht.
Dheimhnigh cara teaghlaigh ar na meáin shóisialta go bhfuarthas Úna in ospidéal lasmuigh de Bheirlín agus "go bhfuil sí lena teaghlach."